ශ්‍රී ලංකාවේ 1971 පමණ සිට පැවැති අතුරුදහන් කරවීම් සම්බන්ධයෙන් නිසිලෙස සොයා බලා සත්‍ය හෙළිකිරීමට වසර 74කට පසු හෝ ස්ථිර කාර්යාලයක් ආරම්භ කිරීම සඳහා නිර්භීත පියවරක් තැබීම සම්බන්ධයෙන් යහපාලන ආණ්ඩුවටත් විශේෂයෙන් ජනාධිපති මෛත්‍රීපාල සිරිසේන මහතාටත් අතුරුදහන්වූවන්ගේ පවුල් එකතුවේ ගෞරවය පුදකරන බව එහි කැඳවුම්කරු බ්‍රිටෝ ප්‍රනාන්දු මහතා පවසයි.

ඒ මහතා මේ බව පැවසුවේ නිදහසේ වේදිකාව මගින් මරදානේ සමාජය හා සාමයික කේන්ද්‍ර ශ්‍රවණාගාරයේ අද(06) පැවැත් වූ මාධ්‍ය හමුවකදීය.

අතුරුදහන් වූවන් පිළිබඳ කාර්යාලයේ කොමසාරිස් වරුන් පත්කිරීම පිළිබඳව විවිධ විචේචන එල්ලවන නමුත් එම ජාතිවාදී විවේචන මධ්‍යයේ අතුරුදහන් වින්දිතයින්ට සාධාරණය ඉටු කිරීමය දේශපාලන හෝ වෙනත් කිසිදු බලවේගයකට යටත් නොවී ස්වාධීනව ක්‍රියාකිරීමට එම කොමසාරිස් වරුන්ට ශක්තිය ලැබෙනු ඇතැයි එම සංවිධානය ප්‍රාර්ථනා කරන බවද ඒ මහතා කීය.

මෙම කාර්යාලයේ කොමසාරිස් වරියක් ලෙස පත්කොට සිටින අචාර්ය නිමල්කා ප්‍රනාන්දු මහත්මියව පත්කිරීම සම්බන්ධයෙන් සමහරු චෝදනා කරන නමුත් 1989 යුගයේ අතුරුදහන්වූවන් පිළිබඳව කරුණු කීමට මහින්ද රාජපක්ෂ සහ වාසුදේව නානායක්කාර මහත්වරු ජිනීවා ගියේ අචාර්ය නිමල්කා ඇතුළු කිහිපදෙනෙකුගේ උදව්වෙන් බවද බ්‍රිටෝ ප්‍රනාන්ද මහතා මෙහිදී පෙන්වා දුන්නා.
ආචාර්ය පාක්‍යසෝති සරවනමුත්තු ජයතිලක ,ජයතිලක බණ්ඩාර, රාජා උස්වැටකෙයියාව නඩේසන් සුරේෂ යන මහත්වරුන්ද මෙම මාධ්‍යහමුවේදී අදහස් දැකුවූහ.

මහනුවර තෙල්දෙණිය හා දිගන ප්‍රදේශයේ ඇති වූ තත්ත්වයන් සම්බන්ධයෙන් අද (6) පාර්ලිමේන්තුවේ දී සභාව කල්තැබීමේ යෝජනාවක් විවාදයට ගැනිණි.