ජාතික ආර්ථීක සභාව මගින් ආර්ථීක පුනර්ජීවනය උදෙසා ඒකාබද්ධ ණය යෝජනා ක්‍රම 100ක පුථල් වැඩපිළිවෙළක් ඉදිරිපත් කර තිඛෙන අතර, ඒ් පිළිබද ජනාධිපති ගරු මෛත්‍රීපාල සිරිසේන මැතිතුමා සහ රාජ්‍ය බැංකු ප්‍රධානීන් අතර විශේෂ සාකච්ඡාවක් ඊයේ (28) පෙරවරුවේ ජනාධිපති කාර්යාලයේ දී පැවැත්විණි.

ශ්‍රී ලංකා විදුහල්පති සේවයේ නිලධාරීන් සඳහා ස්වයං විනය, ආයතනික විනය සහ නායකත්ව පිළිබඳ පුහුණුව ලබාදීමේ වැඩසටහනක් අතරතුර සිදු වූ හදිසි අනතුරක් හේතුවෙන් හම්බන්තොට සුචී ජාතික පාසලේ විදුහල්පතිවරිය පසුගිය 17 වනදා ජීවිතක්ෂයට පත්විය. රාජකාරී පුහුණුවක් අතරතුර නිලධාරියෙකු අනතුරට පත් වීමේ අදාළ සිදුවීම සම්බන්ධයෙන් අමාත්‍යාංශ මට්ටමින් පූර්ණ අපක්ෂපාතී විමර්ශනයක් සිදුකොට ඒ සම්බන්ධයෙන් වන වාර්තාවක් කඩිනමින් තමාට ලබා දෙන ලෙස අධ්‍යාපන අමාත්‍ය අකිල විරාජ් කාරියවසම් මහතා අධ්‍යාපන අමාත්‍යාංශ ලේකම් සුනිල් හෙට්ටිආරච්චි මහතාට නියෝග කළා. අදාළ වාර්තාව ඊයේ දිනයේ අමාත්‍යවරයා වෙත භාරදුන් අතර එම විමර්ශනයට අදාළ සියලු නිර්දේශයන් ක්‍රියාත්මක කරන ලෙස අමාත්‍යවරයා විසින් අධ්‍යාපන ලේකම්වරයාට උපදෙස් ලබා දුන් බව අධ්‍යාපන අමාත්‍යාංශය සඳහන් කරයි.