රාජාංගනය යෝජිත පානීය ජල ව්‍යාපෘතිය තාවකලිකව අත් හිටුවීමට තීරණය කළ බවත් පානීය ජලය කිසිදු විදෙස් සමාගමකට ලබාදීමේ තීරණයක් ගෙන නැතැයි ද එම ප්‍රචාර සම්පූර්ණයෙන් අසත්‍යක් බවද අනුරාධපුර දිස්ත්‍රික් ලේකම් ආර්.එම්.වන්නිනායක මහතා රජයේ නිලපුවත් වෙබ් අඩවියට ප්‍රකාශ කළේ ය.

ශ්‍රී ලංකාවේ නොමිලේ සෞඛ්‍ය සේවා ක්‍රියාත්මකවන ආකාරය පිළිබදව අධ්‍යනයක නිරතවීම සදහා දිවයිනට පැමිණි ඉන්දියාවේ IMC වාණිජ සහ කර්මාන්ත මණ්ඩලයේ සභාපති Dr.Lalit S. Kanodia මහතා ඇතුලු නිලධාරීන් 13 දෙනෙකුගෙන් යුත් දූත පිරිසක් සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා සමග සෞඛ්‍ය අමාත්‍යාංශයේ දී විශේෂ සාකච්ඡාවක් පසුගියදා පවත්වන ලදි.

"සංහිදියාව හා සහජීවනය පිළිබද ජාතික ප්‍රතිපත්තිය" එළිදැක්වීමේ හා ජාතික සමගිය හා සංහිදියා කාර්යාංශයෙන් නිෂ්පාදිත ප්‍රසන්න විතානගේ, විමුක්ති ජයසුන්දර සහ අශෝක හදගම අධ්‍යක්ෂණය කළ ,තුන්දෙනෙක්, චිත්‍රපටය එළිදැක්වීමේ අවස්ථාව ඊයේ (27) පස්වරුවේ ජනාධිපති ගරු මෛත්‍රීපාල සිරිසේන මැතිතුමාගේ ප්‍රධානත්වයෙන්  කොළඹ රිගල් සිනමා ශාලාවේදී පැවැත්විණි.