පාස්කු ප්‍රහාරය නිසා කඩා වැටුණු සංචාරක ව්‍යාපාරය කොවිඩ් වසංගතය නිසා තව දුරටත් පසුබෑමකට ලක් වූ බව පැවසූ අමාත්‍යවරයා රජය විවිධ දීමනා සහ සහනාධාර එම ක්ෂේත්‍ර යේ
නියැලූවන්ට ලබා දුන් බව කීය. ඒ අනුව සංචාරක කර්මාන්තය වැට් බද්දෙන් නිදහස් කිරීම, ඒ සඳහා ලබාගත් ණය හා ලීසිං පහසුකම් ආපසු ගෙවීම සඳහා මෙම වසරේ සැප්තැම්බර් 30 දක්වා
කාලය ලබා දී ම, සංචාරක සේවා සපයන ආයතන සඳහා ජල විදුලි බිල්පත් ගෙවීම සඳහා සහන කාලයක් ලබාදීමට පියවර ගැනීම ආදී ක්‍රියාමාර්ග පෙන්වා දිය හැකිය.
සංචාරක කර්මාන්තය ඇතුළු කොවිඩ් වසංගතයේ හානියට පත් කර්මාන්ත පවත්වාගෙන යාම සඳහා මේ වන විට බැංකු මගින් ණය ලබා දී තිබේ. සංචාරක සංවර්ධන අධිකාරිය මගින්ද සංචාරක ක්ෂේත්‍රයේ නියුතු සංචාරක මග පෙන්වන්නන් කුලී රථ රියැදුරන්ට විවිධ දීමනා ලබා දී තිබේ.
එහෙත් මෙම සහණ ලබා දිය හැක්කේ සංචාරක අධිකාරියේ ලියාපදිංචි පුද්ගලයන්ට සහ ආයතයන්ට පමණක් බවද අමත්‍යවරයා පැහැදිළි කළේය. මීට අමතරව ජල හා විදුලි බිල්පත් සඳහා ලබා දුන් සහන 2021.02.28 දක්වා ලබා දීමට කටයුතු කර තිබේ.
