බන්ධනාගාර නිලධාරීන් අවදානම් රාජකාරියක නිරත වන පිරිසක් නිසාත්, බන්ධනාගාර ගත රැඳවියන් සමඟ රාජකාරියෙහි නිරත වීම නිසාත්, මගී පොදු ප්‍රවාහන සේවා භාවිතා කිරීමත් යන කරුණු විශේෂයෙන් සැලකිල්ලට ගනිමින් සෞඛ්‍ය අමාත්‍යංශය විසින් බන්ධනාගාර නිලධාරීන් සඳහා කොවිඩ් මර්දන එන්නත (16) සිට එන්නත් කිරීමට කටයුතු සුදානම් කර ඇති බව බන්ධනාගාර කොමසාරිස් (පාලන) මාධ්‍ය ප්‍රකාශක චන්දන ඒකනායක මහතා පැවසීය.
ඒ අනුව ප්‍රථමයෙන්ම කොවිඩ් මර්දන එන්නත බස්නාහිර පළාතේ බන්ධනාගාර නිලධාරීන් 5100ක ප්‍රමාණයක් සඳහා බන්ධනාගාර පුහුණු පාසලේදී (16) දින උදෑසන සිට එන්නත් කිරීම ඇරඹීමට බන්ධනාගාර සෞඛ්‍ය අංශ කටයුතු කරන බවත්, ඉන් අනතුරුව අනෙකුත් බන්ධනාගාර වල රාජකාරියෙහි නිරත වන සියලුම නිලධාරීන්ටද එන්නත ලබාදීමට කටයුතු කරන බවත් චන්දන මහතා පැවසීය.
4700ක් දක්වා ඉහළ ගොස් තිබූ බන්ධනාගාර කොවිඩ් පොකුරෙන් 4549ක් සුව වී ඇති බවත් දැනට ප්‍රතිකාර ලබන නිලධාරීන් හා රැඳවියන් ගණන 171ක් බවත් චන්දන මහතා තව දුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
