පාසල් සඳහා ලබාදෙන එම උපකරණ පිළිබඳව කාන්තා හා ළමා සංවර්ධන, පෙර පාසැල් හා ප්‍රාථමික අධ්‍යාපන, පාසැල් යටිතල පහසුකම් හා අධ්‍යාපන සේවා රාජ්‍ය අමාත්‍ය පියල් නිශාන්ත ද සිල්වා මහතා දැනුවත් කිරීම හා එම උපකරණ සංකේතාත්මකව අමාත්‍යවරයා වෙත භාර දීම පසුගියදා( 17) සිදුවිය.
එම ස්වයංක්‍රිය සැනිටයිසර් උපකරණ මගින් ඉතාමත් අඩු විෂබීජ නාශක දියර භාවිතයෙන් අත් සෝදාගතහැකි අතර එම අවස්ථාවේදීම තම ශරීර උෂ්ණත්වයද මැනගැනීමත් ස්වයංක්‍රීයව සිදු කර ගත හැකිය. එම නිසා කොවිඩ් 19 ශරීරගත වී ඇති පුද්ගලයින් හඳුනාගත හැකි වන අතර එය වඩාත් තහවුරු කර ගැනීම සඳහා PCR හෝ රැපිඩ් ඇන්ටිජන් පරික්ෂණයන් සිදු කර ගැනීමට මෙම උපකරණය වඩාත් ඉවහල් වනු ඇති බව Q.I.B පෞද්ගලික විශ්වවිද්‍යාලයේ සභාපති ආචාර්ය අසේල පණ්ඩිත මහතා අදහස් දක්වමින් පවසා සිටියේය.
ඉතා සරල උපකරණයක් වන මෙය කුඩා බැටරි (AA) මගින් ක්‍රියාත්මක කල හැකි අතර ගෘහස්ථ විදුලි පද්ධතිය මගින්ද ක්‍රියා කල හැක. ඉදිරියේදී මෙම උපකරණ පෙර පාසල් සඳහා ලබා දීමට ඇති හැකියාව ගැනද සොයා බලන බව අමාත්‍යවරයා පවසන ලදී.
