පුනර්ජනනීය බලශක්ති ව්‍යාපෘති ප්‍රගතිය පිළිබඳව හමුව විදුලිබල මණ්ඩලය සහ සුනිත්‍ය බලශක්ති අධිකාරිය සමග විදුලිබල හා බලශක්ති අමාත්‍ය කංචන විජේසේකර මහතාගේ සහභාගීත්වයෙන් (26)උදෑසන පවත්වන ලදි.
සියඹලාණ්ඩුව මෙගා වොට් 100ක සූර්ය බලශක්ති ව්‍යාපෘතිය, අභිලාශ කැඳවීම් මත ලැබී ඇති යෝජනා ඇගයීම, ජලාශවල ඉදි කිරීමට යෝජිත පාවෙන සූර්ය බලශක්ති ව්‍යාපෘති, විදුලිය මිලදී ගැනීමට ගිවිසුම් ගත වී ඇති ව්‍යාපෘති සහ ගිවිසුම් ගත වීමට ඇති ව්‍යාපෘති, ගාස්තු සංශෝධන, පද්ධතියේ අවකාශය ලබා දීම යන කරුණු පිළිබඳව ප්‍රගතිය එහිදී සමාලෝචනය කරන ලදි.
පුනර්ජනනීය ව්‍යාපෘති කඩිනම් කිරීමට සහ ඇති ගැටළු නිරාකරණය කිරීමට විදුලිබල මණ්ඩලය සහ සුනිත්‍ය බලශක්ති අධිකාරියට එක්ව කටයුතු කිරීමට කමිටුවක් පත් කරන ලදි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
