රාජ්‍ය සේවක කප්පාදුවක් පිළිබඳව සාකච්ඡාවක් සිදු නොවුන බවත් සාකච්ඡා වූයේ සේවක තුලනය කිරීමක් පිළිබඳව පමණක් බවත් වැවිලි කර්මාන්ත අමාත්‍ය, වැඩබලන කැබිනට ප්‍රකාශක වෛද්‍ය රමේෂ් පතිරණ මහතා ප්‍රකාශ කළේය.
අමාත්‍යවරයා මේ බව ප්‍රකාශ කළේ, අද (13) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවේ දී ය.
ඒ අනුව, මේ සම්බන්ධයෙන් අග්‍රාමාත්‍ය ලේකම් වරයාගේ ප්‍රධානත්වයෙන් නිලධාරී කමිටුවක් පත්කර එම සේවක තුලනය නිසියාකාරව සිදු කරන්නේ කෙසේ ද යන්න පිළිබඳව , අත්‍යවශ්‍ය නොවන බඳවාගැනීම් සීමිත කිරීම පිළිබඳ රජයේ අවධානය යොමු වී ඇති බව ද අමාත්‍යවරයා වැඩිදුරටත් සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
