කෑගල්ල දිස්ත්‍රික්කයේ ව්‍යාපාර දහසක් බලගැන්වීමේ අරමුණින් ස්ථාපිත කළ business Desk මෙහෙයුම් මැදිරිය අග්‍රාමාත්‍ය රනිල් වික්‍රමසිංහ සමතා විසින් පසුගිය දා විවෘත කරන ලදී. මීට සමගාමීව business Deskවෙබ් අඩවිය ද අගමැති රනිල් වික්‍රමසිංහ මහතාගේ සුරතින් විවෘත කෙරෙණි.

රජයේ ප්‍රතිපත්තියට අනුව දුම්වැටි අලෙවි නොකරන නගර 107 ක් දිවයින පුරා ඇති බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමය සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාට දැනුම් දී ඇත.

හජ් වන්දනාව වනාහී දේවත්වය හා මනුෂ්‍යත්වය අතර පවත්නා දිව්‍යමය වූ බන්ධනය විචිත්‍රාකාරයෙන් දනවන්නක් බව ජනාධිපති මෛත්‍රීපාල සිරිසේන මහතා සිය හජ් සුබපැතුම් පණිවිඩයෙන් කියා සිටී.

බැතිමත් මුස්ලිම් ජනතාව තුළ අල්ලාහ් දෙවියන් පිළිබඳ පවතින විශ්වාසය, කැපවීම ශක්තිමත් කරමින්, සහෝදරත්වය සමානාත්මතාව ගොඩනැංවීම උදෙසා පරිත්‍යාගශීලී ජීවිතයකට දිරිගන්වන හජ් උත්සවය සමස්ත ලෝකවාසීන්ට ආදර්ශයක් බව අග්‍රාමාත්‍ය රනිල් වික්‍රමසිංහ මහතා හජ් උත්සවය සැමරීම පිළිබඳව නිවේදනයක් නිකුත් කරමින් කියා සිටියි.