කැබිනට් සංශෝධනයක් සිදු නොවන බව සෞඛ්‍ය, පෝෂණ හා දේශීය වෛද්‍ය අමාත්‍ය සහ රජයේ සම කැබිනට් මාධ්‍ය ප්‍රකාශක දොස්තර රාජිත සේනාරත්න මහතා ඊයේ (09) පස්වරුවේ පැවැසීය.

දන්සැල්වල පොලිතීන් භාවිතයෙන් වැළකී දිරායන කෙසෙල් කොළ,කැන්ද කොළ වැනි ද්‍රව්‍ය ආහාර ලබාදීමට භවිතා කරන ලෙස ඩෙංගු මර්දන ව්‍යාපාරයේ විශේෂඥ වෛද්‍ය අනෝජා දීරසිංහ මහත්මිය පවසයි.

වෙසක් දිනය සමරමින් රටපුරා සංචාරය කරන ජනතාව වෙනුවෙන් මෙවරත් අතිවිශාල දන්සැල් සංඛ්‍යාවක් රටපුරා ගම් හා නගර ආශ්‍රිතව පැවැත්වෙයි.සෞඛ්‍ය ආරාක්ෂිත දන්සැල් ක්‍රියාත්මක විය යුතු බවට මේ වනවිටත් අවශ්‍ය උපදෙස් සෞඛ්‍ය අංශ විසින් දන්සැල් සංවිධායකයන්ගේ දැනගැනීම සඳහා ප්‍රසිද්ධ කර තිබේ.

දන්සැල්වල පවතින සෞඛ්‍ය තත්ත්වය පමණක් නොව වෙසක් දිනවල පුද්ගල සංචරණය වැඩිවීමක් පවතින බැවින් ඒ හා බැදුණු සෞඛ්‍ය අවධානම පිළිබඳව ද ජනතාව අවධානයෙන් පසුවිය යුතු බව සෞඛ්‍ය සේවා අධ්‍යක්ෂ ජනරාල් වෛද්‍ය ජයසුන්දර බණ්ඩාර මහතා පවසයි.