2015 වසරේ අය-වැය යෝජනාවන් සාර්ථක කර ගැනීම සඳහා ගතයුතු ක්‍රියාමාර්ග පිළිබඳ ව ජනාධිපති මහින්ද රාජපක්ෂ මැතිතුමා සමඟ සාකච්ඡා කිරීමට ශ්‍රී ලංකා පරිපාලන සේවයේ සියලුම නිලධාරීන් ලබන 26 වන දින ප.ව. 3.30ට කොළඹ 07, නෙළුම් පොකුණ මහින්ද රාජපක්ෂ රංගශාලාවට ශ්‍රී ලංකා පරිපාලන සේවා සංගමය කැඳවා ඇත.
2015 අය-වැය යෝජනා ක්‍රියාත්මක කිරීම සම්බන්ධයෙන් පරිපාලන සේවයේ නිලධාරීන්ගේ අදහස් හා යෝජනා ලබා ගැනීමටත්, අය-වැයෙන් ජනතාවට හිමි වරප්‍රසාද ලබා දෙන ආකාරය පිළිබඳ ව විධිමත් වැඩපිළිවෙළක් සැකසීම සඳහාත් මෙම හමුව සංවිධානය කර ඇත.
මෙම සාකච්ඡාවට රාජ්‍ය පරිපාලන හා ස්වදේශ කටයුතු අමාත්‍ය ඩබ්ලියු.ඩී.ජේ. සෙනවිරත්න, ජනාධිපති ලේකම් ලලිත් වීරතුංග, මුදල් අමාත්‍යාංශ ලේකම් ආචාර්ය පී.බී. ජයසුන්දර හා රාජ්‍ය පරිපාලන හා ස්වදේශ කටයුතු අමාත්‍යාංශයේ ලේකම් පී.බී. අබේකෝන් මහත්වරුන් ද සහභාගීවීමට නියමිතය.
HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
