ජනාධිපති මහින්ද රාජපක්ෂ මහතාගේ දූරදර්ශී නායකත්වය නිසා මේ රටේ ජනතාවට සහන රැසක් ලබා දීමට මෙවර අය-වැයෙන් හැකි වූ බවත් ඉන් එක් සහනයක් ලෙස විදුලි බිල අඩුකිරීම පෙන්වා දිය හැකි බවත් විදුලිබල අමාත්‍ය පවිත්‍රා වන්නිආරච්චි මහත්මිය අද (24) පාර්ලිමේන්තුවේ දී 2015 අය-වැය යෝජනා පිළිබඳ තම අදහස් මාධ්‍ය වෙත දක්වමින් පැවසුවාය.
දකුණු ආසියාවේ පැය විසිහතර පුරා ම විදුලිය ලබා දෙන එක ම රට ශ්‍රී ලංකාව බව පෙන්වා දෙන අමාත්‍යතුමිය විදුලිය පැය විසිහතර පුරා ලබා දීමටත් විදුලි බිල අවම කිරීමටත් විශාල මුදලක් වැය කර නොරොච්චෝලේ ගල්අඟුරු බලාගාරය ආරම්භ කළේ මෙයට වසර කිහිපයකට පෙර බව ද කියා සිටියාය.
සියලු ක්ෂේත්‍ර ඉලක්ක කර ගනිමින් සහන රැසක් ලබා දී ඇති බව පෙන්වා දෙන ඇය සහන නොලබමින් වසර ගණනාවක් පුරා අවධානය යොමු නොකළ අංශ ගණනාවක් සඳහා මෙවර අය-වැයෙන් සහන ලබා දී ඇතැයි ද කීවාය.
NDH/HC/SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
