ආරක්ෂක හා නාගරික සංවර්ධන අමාත්‍යාංශයේ වැය ශීර්ෂය කාරක සභා අවස්ථාවේ විවාදයට ගැනීමෙන් අනතුරු ව අද පස්වරුවේ සම්මත කර ගැනීමට ඉදිරිපත් කළ විට දෙමළ ජාතික සන්ධානයේ නායක ආර්. සම්බන්ධන් මහතා එහි එන ශ්‍රී ලංකා යුද හමුදා වැය ශීර්ෂය සම්බන්ධයෙන් බෙදීමක් ඉල්ලා සිටි නිසා ඡන්ද විමසීමක් පැවැත්විණි. මෙහිදී වැය ශීර්ෂයට පක්ෂ ව ඡන්ද 115ක් ද විපක්ෂ ව ඡන්ද 12ක් ද ලැබුණි. ඒ සමඟ ආරක්ෂක හා නාගරික සංවර්ධන අමාත්‍යාංශයේ වැය ශීර්ෂය ද සම්මත විණි.
එජාපය හා ප්‍රජාතන්ත්‍රවාදී සන්ධානයේ මන්ත්‍රීවරුන් සභා ගැබේ නොසිටි අතර විරුද්ධ ව ඡන්දය ප්‍රකාශ කළේ ද්‍රජාස මන්ත්‍රීවරුන් හා ගාල්ල දිස්ත්‍රික් මන්ත්‍රී (ස්වාධීන) අජිත් කුමාර මහතා පමණි.
HC/NDH
