2023 රාජ්‍ය සේවා කැරම් තරඟාවලියේ A කාණ්ඩයේ සහ C කාණ්ඩයේ ශූරතාවය දිනා ගැනීමට පාර්ලිමේන්තු කාර්ය මණ්ඩලයීය ක්‍රීඩා සමාජය පසුගිය දා සමත්විය.

මෙරට සිටින සෑම පුද්ගලයෙකුටම එක හා සමාන ආකාරයට සැලකීමත්, සංහිඳියාවේ යුතුකම සහ තිබිය යුතු ගුණාංග රජයක් විදියට පවත්වාගෙන යාමට කටයුතු කරන බවටත්, එසේ කිරීමට උතුර දකුණ භේදයක් නොමැති බවත් කම්කරු හා විදේශ රැකියා අමාත්‍ය මනුෂ නානායක්කාර මහතා ප්‍රකාශ කරයි.

රුපියල් මිලියන 1500ක වියදමින් ඉදි කළ රත්නපුර නව අධිකරණ සංකීර්ණය අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය ජනාධිපති නීතිඥ, ආචාර්ය, විජයදාස රාජපක්ෂ මහතාගේ ආරාධනයෙන් ශ්‍රී ලංකා ප්‍රජාතාන්ත්‍රික සමාජවාදී ජනරජයේ ජනාධිපති රනිල් වික්‍රමසිංහ මහතාගේ ප්‍රධානත්වයෙන් 2023 ජූලි 11 වන දින පස්වරුවේ ජනතා අයිතියට පත් කෙරිණි.

“අස්වැසුම” අභියාචනා 968,000 ක් සහ විරෝධතා 17,500 ක් සළකා බැලීමේ කටයුතු ආරම්භ කිරීමට සියළු කටයුතු සූදානම් බව මුදල් රාජ්‍ය අමාත්‍ය ශෙහාන් සේමසිංහ මහතා සිය නිල ට්විටර් ගිණුමේ සටහනක් තබමින් සඳහන් කරයි.