සෞන්දර්ය කලා විශ්වවිද්‍යාලයේ කුලපතිවරයා ලෙස මහාචාර්ය සුනිල් ආරියරත්න මහතා පත් කර තිබේ.

සුළු අලුත්වැඩියාවන් සඳහා ඇති දුම්රිය මැදිරි ඉදිරි මාස 03ක පමණ කාලයේ දී අලුත්වැඩියා කර කඩිනමින් ධාවනයට එක් කිරීමට කටයුතු කරන බව ප්‍රවාහන සහ මහාමාර්ග අමාත්‍ය ආචාර්ය බන්දුල ගුණවර්ධන මහතා පැවසීය.

මෙරට බඩඉරිඟු වගාවට 2021 මහ කන්නයේ දී බලපෑ සේනා දළඹු වගා හානිය හා වී වගාවට සිදු වූ වගා හානි සම්බන්ධව එම ගොවීන්ට රුපියල් මිලියන 657ක් වගා හානි වන්දි වශයෙන් ලබා දී අවසන් කර ඇති බව කෘෂිකාර්මික හා ගොවිජන රක්ෂණ මණ්ඩලය පවසයි.

දුෂණ විරෝධී ස්ථිරසාර මාවතකට යොමුවීමට ශ්‍රී ලංකාව සමත් වේද? ...ඒ සදහා යෝජිත පනතින් පිටුබලයක් තිබේ ද ?ˮ.... යන මැයෙන් යෝජිත නව දුෂණ විරෝධි පනත් කෙටුම්පත පිළිබදව සිවිල් සමාජය හා විද්වතුන් දැනුවත් කිරීම හා ඔවුන්ගේ අදහස් යෝජනා ලබා ගැනීමේ විද්වත් කතිකාවක් අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය ජනාධිපති නීතිඥ ,ආචාර්ය විජයදාස රාජපක්ෂ මහතාගේ ප්‍රධානත්වයෙන් කොළඹ 07, ශ්‍රී ලංකා පදනම් ආයතනයේ ශ්‍රවණගාරයේදී ( 03 පස්වරුවේ) පැවැත්විණි.