එක්සත් ජාතීන්ගේ සංවිධානය වෙනුවෙන් කොෆි අනන් මැතිතුමා සිදුකළ සේවය අතිවිශිෂ්ටය. තම ජීවිතය ජාතීන්, පුද්ගලයන් සහ ප්‍රජාවන් අතර සාමය ගොඩනැංවීම වෙනුවෙන් කැප කරමින්, සැමට සාධාරණ, යුක්තිගරුක සමාජයක් ඇති කිරීම පිණිසත්, වඩාත් යහපත් ජීවන තත්ත්වයක් උදාකරලීම පිණිසත් සුවිශේෂී සේවාවක් කළ පුද්ගලයෙක් වශයෙන් එක්සත්ජාතීන්ගේ සංවිධානයේ හිටපු මහලේකම් ගරු කොෆි අනන් මැතිතුමා හැඳින්විය හැකි බව අග්‍රාමාත්‍ය රනිල් වික්‍රමසිංහ මහතා ශෝක පණිවුඩයක් නිකුත් කරමින් කියා සිටියි.

රජයේ හා රජයේ අනුමත සිංහල හා දෙමළ මාධ්‍ය පාසල්වල තෙවන පාසල් වාරය සැප්තැම්බර් මස 03වන සඳුදා ආරම්භ කිරීමට නියමිත බව අධ්‍යාපන අමාත්‍යංශය පවසයි.

නව අපනයන කරුවන් 2000 සංවර්ධනය කිරීමේ ජාතික වැඩසටහන පිළිබදව වයඹ පළාතේ ව්‍යවසායකයන් දැනුවත් කිරීම සඳහා එක් දින සම්මන්ත්‍රණයක්‍  අගෝස්තු 17 වන දිකුරාදා දින කුරුණෑගල බ්ලුස්කයි හෝටලයේ දී පවත්වන ලදි.

මෙරට පැවති 30 වසරක යුද්ධය නිමා කර සියලු ජාතීන් අතර සමඟිය සහ සංහිඳියාව හා අන්‍යොන්‍ය විශ්වාසය තහවුරු කරමින එකම ශ්‍රී ලාංකික ජාතියක් ලෙස නැගී සිටීමට අපේක්ෂාවෙන් ක්‍රියාත්මක කරන ''අහන්න'' වැඩසටහන මේ වනවිට දිවයිනේ ප්‍රදේශ රැසක් ආවරණය කරමින් සාර්ථකව ක්‍රියාත්මක වෙමින් පවති.