ශ්‍රී ලංකාව පුරා පිහිටා තිබෙන දුම්රිය හරස් මාර්ගවලින් සිදුවන අනතුරු සංඛ්‍යාව පසුගිය වසර කිහිපය පුරාම වැඩිවෙමින් පැවතිණ. ඉන් විශාල ජීවිත ප්‍රමාණයක් අහිමි වූ අතර වාහන ඇතුළු දේපොළ විනාශවීම්ද සිදුවිණ. එම ලබාගත් දත්ත හා තොරතුරු අනුව 2016 වසරේදී ආරක්ෂණ විදුලි සීනු පද්ධති 200 ක අවශ්‍යතාවයක් ඇති බව දුම්රිය දෙපාර්තමේන්තුව විසින් හඳුනාගත් අතර එම විදුලී සීනු පද්ධති සවිකිරීමේ ව්‍යාපෘතිය 2016 වසරේ ආරම්භ කරන ලදී.

අතුරුදහන් වූ තැනැත්තන් පිළිබඳ කාර්යාලය විසින් සකස් කරන ලද අතුරු නිර්දේශ සහිත අතුරු වාර්තාවක් එළිදක්වමින් බලහත්කාරයෙන් අතුරුදහන් කරන ලද වින්දිතයන්ගේ ජාත්‍යන්තර දිනය 2018 වසරේ අගෝස්තු 30 වන දින අතුරුදහන් වූ තැනැත්තන් පිළිබඳ කාර්යාලය විසින් සැමරීමට නියමිතය.

නිවාඩු කාලවලදී ගුරුවරුන්ගේ වැටුප් නතර කිරීමට අධ්‍යාපන අමාත්‍යවරයා පියවර ගැනීමට සූදානම් වන බව දක්වමින් සමාජ ජාල මාධ්‍යවල සහ වෙබ් අඩවි කිහිපයක පල වී තිබූ අසත්‍ය පුවත පිළිබද නීතිමය ක්‍රියාමාර්ග ගෙන ඇති බව අධ්‍යාපන අමාත්‍ය අකිල විරාජ් කාරියවසම් මහතා ඊයේ (17) විශේෂ මාධ්‍ය ප්‍රකාශයක් නිකුත් කරමින් සදහන් කළේය.

ආසියාවේ අන්තර් ක්‍රියා හා විශ්වාසය ගොඩනැංවීමේ පියවර පිළිබඳ සමුළුවේ (CICA) සාමාජික රාජ්‍ය 26 විසින් 2018 අගෝස්තු 15 වැනි දින ශ්‍රී ලංකාව එහි සාමාජික රාජ්‍යයක් ලෙස ඒකමතිකව පිළිගනු ලැබිණි.