සාහිත්‍ය තරඟ වලින් ජයග්‍රහණය කළ ජයග්‍රාහක ජයග්‍රාහිකාවන් සඳහා ත්‍යාග හා සහතිකපත් පිරිනැමීම මෙහි දී සිදු කෙරිණි.
දේශීය ගැමි නාද මාලා සහ දේශීය ගැමි නාද මාලා ඇසුරු කර ගනිමින් නිර්මාණය කරන ලද ගීත සහිත ප්‍රාසංගික රසාස්වාදන අත්දැකීමක් සහන් රන්වල මහතා ප්‍රමුඛ රන්වල බලකාය විසින් ඉදිරිපත් කරන ලදි.
නැටුම් ගැයුම් වැයුම් වලින් සුපෝෂිත කොකාවෙල මධ්‍ය මහා විද්‍යාලයේ දරු දැරියන්ගේ ප්‍රාසංගික දක්ෂතා එළිදැක්වීම ද සිදු විය.
මේ අවස්ථාවට මාතර කඩවත්සතර ප්‍රාදේශිය ලේකම් ඩී.ඩී.කේ.වික්‍රමආරච්චි මහතා, සහකාර ප්‍රාදේශිය ලේකම් එච්.එම්.එස්.ආර්.කරුණාරත්න මහතා, කොකාවෙල මධ්‍ය මහා විද්‍යාලයේ විදුහල්පති චන්ද්‍රසිරි මොහොට්ටි මහතා, මාතර දිස්ත්‍රික්කයේ සංස්කෘතික නිලධාරීන් ඇතුළු රාජ්‍ය නිලධාරීන්, ප්‍රදේශයේ සාහිත්‍යවේදීන්, පාසල් දරු දැරියන් හා ජයග්‍රාහක ජයග්‍රාහිකාවන් ඇතුළු පිරිසක් සහභාගි වී සිටියහ.
