බුදුන් වහන්සේගේ ලලාඨ ධාතූන් වහන්සේ තැන්පත් කර ඇති ඓතිහාසික සේරුවාවිල රජමහා විහාරස්ථානයේ යටිතල පහසුකම් හා පුරාවිද්යා කෞතුකාගාරය නවීකරණය කිරීමට නැගෙනහිර නවෝදය ව්යාපෘතිය යටතේ ජාතික උරුමයන් පිළිබඳ අමාත්යාංශය පියවර ගෙන තිබේ.
මේ සඳහා ඇස්තමේන්තු මුදල රුපියල් මිලියන 1.6කි. මේ අනුව ප්රධාන විදුලි සම්බන්ධතාව ලබාදීම සහ පුරාවිද්යා කෞතුකාගාරයේ අභ්යන්තර ආලෝක මධ්යස්ථානය සකස් කිරීම මෙන්ම මෙතෙක් විශාල අඩුපාඩුවක් පැවති ජල සැපයුම සකස් කිරීම මෙහි දී සිදුකෙරේ.
දැනට නැගෙනහිර සංචාරය සඳහා පැමිණෙන දෙස් විදෙස් සංචාරකයින්ගේ පහසුකම් සැලසීම හා සංචාරක ආකර්ෂණය වැඩි කිරීම මෙහි ප්රධාන අරමුණ වේ. පුරාවිද්යා දෙපාර්තමේන්තුව විසින් මෙහි ප්රතිසංස්කරණ කටයුතු සිදුකෙරේ.
ECB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්රවෘත්ති දෙපාර්තමේන්තුවේ නව මාධ්ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්රීසි භාෂාවලින් පවත්වාගෙන යනු ලබයි.
+94 11 366 3040
