මාස හතරක් පුරාවට විකාශය වන මෙම ඒකාංගික ගුවන්විදුලි නාට්‍ය මාලාව සඳහා අයිරාංගනී සේරසිංහ, විජේරත්න වරකාගොඩ, ජයලත් මනෝරත්න, නිශ්හංක දිද්දෙණිය,ධර්මසිරි බණ්ඩාරනයක, සමන් අතාවුදහෙට්ටි, බුද්ධදාස විතානාරච්චි,ඩබ්ලිව් ජයසිරි, මහේන්ද්‍ර පෙරේරා, කෞෂල්‍යා ප‍්‍රනාන්දු, සෞම්‍ය ලියනගේ, රත්නා ලාලිනී ජයකොඩි ඇතුළු ප‍්‍රවීණ ශිල්පීන් පිරිසක් හඩකැවීමෙන් දායක වෙති.
පේ‍්‍රක්ෂක රසයට බාධාවක් නොවන පරිදි අතරමැද වෙළඳ දැන්වීම්වලින් තොරව අඛණ්ඩ ගලායෑමක් සහිත ව නාට්‍ය විකාශය වන අතර ගුවන්දුලි ශ‍්‍රාවකයන්ට නවමු අත්දැකීමක් ලබාදෙමින් නාට්‍ය අවසානයේ නාට්‍ය අධ්‍යක්ෂ මලක දේවපි‍්‍රය,ආචාර්ය සුනිල් විජේසිරිවර්ධන, ලූෂන් බුලත්සිංහල ඇතුළු විද්වතුන් පිරිසක් මෙහෙයවන කථිකාවකින් ද සමන්විත ය.
මෙම ඒකාංගික ගුවන්විදුලි නාට්‍ය මාලාව ශ‍්‍රවණය කර ඔබගේ අදහස් හා යෝජනා ජාතික සමගිය හා සංහිදියා කාර්යංශය, 6 මහල, නො 21, ජනාධිපති මාවත, කොළඹ 01 ලිපිනයට හෝ 0114354518 ෆැක්ස් අංකයට ලබා දෙන්න.
