දේශීය කථානාද සිනමාවේ 73 වන සැමරුම සහ ජාතික චිත්‍රපට සංස්ථාවට වසර 48ක් පිරිමේ සැමරුම් උත්සවය ඊයේ (21දා ) අග්‍රමාත්‍ය මහින්ද රාජපක්ෂ මහතාගේ ප්‍රධානත්වයෙන් පැවැත්විණි.
මෙහිදී ප්‍රවීණ කලාකරුවන් දස දෙනෙකුට විශ්‍රාම වැටුප් හිමිකම් අග්‍රාමාත්‍යවරයා විසින් පිරිනැමීය.
චිත්‍රපට සංස්ථාව විසින් ජාත්‍යන්තර සිනමා සංරක්ෂණ ආයතනයන්හි සහයෝගීත්වයෙන් සංවිධානය කළ "චිත්‍රපට පෝස්ටර් ඡායාරූප හා ලේඛන සංරක්ෂණ වැඩමුළුව" ට සහභාගී වුවන්ට සහතික පත් ප්‍රදානයද මෙහිදී සිදුවිය. ඒ සඳහා රජයේ ප්‍රවෘත්ති දෙපාර්තමේන්තුව නියෝජනය කරමින් සහභාගී වූ ඡායාරූප අංශයේ නිශාන්ත පිරිස් සහ තුසිත චන්ද්‍රකුමාර යන මහතුන්ද සහතික පත් ලැබුහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
