අමාත්‍යවරයා මේ බව සඳහන් කළේ කොළඹ, ශ්‍රී ලංකා නිදහස් පක්ෂ මූලස්ථානයේ දී පැවති ප්‍රවෘත්ති සාකච්ඡාවක් අමතමිනි.
මෙහිදී අමාත්‍යවරයා තවදුරටත් අදහස් දක්වමින් පැවසුයේ ජනමත විචාරයකින් වෙනස් කළ යුතු සංශෝධන සිදු නොකරන බවයි. නව ව්‍යවස්ථාවක් හෝ සංශෝධනයක් සිදුකරන්නේ 78 ආණ්ඩුක්‍රම ව්‍යවස්ථාව අනුවයි. සංශෝධන තුළ "නව" යන වචනය ඉවත් කොට තිබෙන බවත් මේ ක්‍රියාමාර්ග ආරම්භ කළේ කෙටුම්පත් සකස්කිරීමට බවත් අමාත්‍යවරයා පැවසීය.
බුදුදහමට ප්‍රමුඛස්ථානය, ඒකීයභාවය, පරමාධිපත්‍ය යනාදිය සංශෝධනය කිරීමට ශ්‍රී ලංකා නිදහස් පක්ෂය කිසිසේත්ම එකඟ නොවන බවත්, අග්‍රාමාත්‍යතුමා ශ්‍රී ලංකා නිදහස් පක්ෂයේ යෝජනාවලට එකඟතාවය පළ කරන ලද බවත් අමාත්‍යවරයා වැඩිදුරටත් පැවසීය.
AP
