ලංකා විදුලි සේවක සංගමයේ නිළධාරීන් හා විදුලිබල හා පුනර්ජනනීය බලශක්ති අමාත්‍ය රංජිත් සියඹලාපිටිය මහතා අතර විශේෂ සාකච්ජාවක් ඊයේ (19) විදුලිබල හා පුනර්ජනනීය බලශක්ති අමාත්‍යාංශයේ දී පැවැත්විණි.
මෙහිදී වර්තමානයේ උද්ගත වී ඇති ගැටලු සම්බන්ධයෙන් දීර්ඝ වශයෙන් සාකච්ජා කළ අතර, එම ගැටලු විසඳා ගැනීම සඳහා සේවක සහයෝගය නිරන්තරයෙන් ලබා දෙන බව ලංකා විදුලි සේවක සංගමයේ නිළධාරින් පැවසීය.
එමෙන්ම කෙටිකාලීන හා දීර්ඝකාලීන වශයෙන් විදුලිබල මණ්ඩලය නගා සිටුවීම සඳහා වන යෝජනා රැසක් රංජන් ජයලාල් මහතා ප‍්‍රමුඛ ලංකා විදුලි සේවක සංගමයේ නිළධාරීන් විසින් ඉදිරිපත් කරන ලද අතර, එම යෝජනා සම්බන්ධයෙන් කි‍්‍රයාකාරී අවධානය යොමුකරන බව අමාත්‍යවරයා වැඩිදුරටත් ප‍්‍රකාශ කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
