මුදල් අමාත්‍යවරයාට විරුද්ධව ගෙන එන විශ්වාසභංගයට බයේ කුමන්ත්‍රණකාරී ලෙස මයික්‍රෆෝන ක්‍රියාවිරහිත කළා යැයි මතයක් ගෙන යෑම කණගාටුදායක හා පිළිකුල්සහගත ප්‍රකාශයක් බවත් විශ්වාසභංගයට කොන්දෙසි විරහිතව සහාය පළ කරන බවත් සමාජ සවිබල ගැන්වීම් හා සුබසාධන අමාත්‍ය එස්.බී දිසානායක මහතා පැවසී ය.
අමාත්‍යවරයා මාධ්‍ය හමුවකට සහභාගීවෙමින් අද (08) පාර්ලිමේන්තුවේ දී මේ බව පැවසී ය.
අද පාර්ලිමේන්තුවේ සිදුවීම හදිසියේ සිදු වූ තාක්ෂණික කාරණයක්.මෙය හිතාමතා, මුදල් අමාත්‍යවරයාට එරෙහිව ගෙන එන විශ්වාසභංගයට බයේ කුමන්ත්‍රණකාරී ලෙස කළා කියන මතයක් ගෙන යනවා. එය කණගාටුදායක හා ඉතා පිළිකුල් සහගත ප්‍රකාශයක්. මුදල් ඇමැතිවරයාට එරෙහිව ගෙන එන යෝජනාව, අපේ සභාපතිවරයා හදපු ආණ්ඩුවට ගෙන එන විශ්වාසභංග යෝජනාවක්.ඒ නිසා අපි කොන්දෙසි විරහිතව විශ්වාසභංග යෝජනාව පරාජය කරන්නට කටයුතු කරනවා යැයි අමාත්‍යවරයා ප්‍රකාශ කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
