අධ්‍යාපන අමාත්‍යාංශය යටතේ පවතින අපේ ගම පරිශ්‍රය මධ්‍යම සංස්කෘතික අරමුදලේ පාලනයට පවරා ජනතා අයිතියට පත්කිරීමේ සමාරම්භක උළෙල අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් ඊයේ (22) පැවැත් විණි.
මීට සමගාමීව සංස්කෘතික උරුම සංදර්ශන වැඩසටහන් කීපයක් තෙදිනක් පුරා පැවැත්වීමට නියමිතයි.
කිරි කොරහ ආදී වාසී ජන නැටුම, ජහුටා සම්ප්‍රදායික කෝලම් ප්‍රසංගය, අංගම්පොර, දහ අට සන්නිය ඇතුලු සංස්කෘතික අංග රැසකින් මෙම සංදර්ශනය විචිත්‍රවත් වනු ඇත.
මෙහිදී අදහස් දැක්වු අධ්‍යාපන අමාත්‍ය අකිල විරාජ් කාරියවසම් මහතා සඳහන් ක‍ළේ පසුගිය පාලන සමයේ දූෂිත ආයතන ලෙස චෝදනා ලබමින් අකර්මන්‍යව පැවති මධ්‍යම සංස්කෘතික අරමුදල වැනි ආයතන වත්මන් රජය යටතේ ලාබ ලබන ආයතන බවට පත් කිරීමට හැකි වී ඇති බවයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
