මෙහිදී අදහස් දැක්වු අමාත්‍යවරයා , අපේ රටත් ජනමාධ්‍යයත් මීට වඩා ඉදිරියට යායුතු බවත් ඉදිරියේදී මෙය ජාතික ජනමාධ්‍ය විද්‍යාලය බවට පත් කිරීමට කටයුතු කරන බවද පැවසීය.
වෘත්තිකයෙකු යනු රැකියාවක නියුක්ත වන්නෙක් පමණක් නොව එම වෘත්තියට අයත් ආචාර ධර්ම රකින්නකු විය යුතු බවද අමාත්‍යවරයා තවදුරටත් පැවසීය.
මෙහිදී අදහස් දැක්වු රජයේ ප්‍රවෘත්ති අධ්‍යක්ෂ ජනරාල් රංග කලංසුරිය මහතා, දේශපාලන හා වානිජ හස්තයෙන් ප්‍රවෘත්ති කාමරය බේරා ගැනීම සඳහා ඉදිරියේදී ක්‍රියා කරන බවත් ආණ්ඩුවක් හැටියට ජනමාධ්‍ය ක්ෂේත්‍රයට පිවිසෙන්නන්ට හොද මාවතක් හැදීමට සුදානම් බවත් ඹවුන්ගේ වෘත්තීය භාවය නංවන්න කටයුතු කරන බවත් අවධාරණය කළේය.
මෙම අවස්ථාවට සහභාගිවු ශ්‍රී ලංකා ජනමාධ්‍ය අභ්‍යාස ආයතනයේ සභාපති ධර්මසේන පතිරාජ මහතා වසරකට ජනමාධ්‍යවේදීන් ලෙස පුහුණුව ලත් තරුණ තරුණියන් 600 ක් පමණ සමාජයට එක්වන බව අනාවරණය කළේය.
AP
