අමාත්‍යවරයා මෙම අදහස් පළ කලේ ශ්රී දළඳා මාලිගා පරිශ‍්‍රයේ ප‍්‍රතිෂ්ඨාපනය කරන ලද බහුකාර්ය ගොඩනැගිලි සංකීර්ණයේ පළමු අදියර දළඳා මාළිගාවට උරුමකොට පූජා කිරීමේ අවස්ථාවට ඊයේ (25) එක්වෙමිනි.
දළඳා මාලිගයෙන් ආලෝකමත් වන මේ මහනුවර නගරය සහ අවට නගර සියල්ලට ම ඉදිරි කාලයේ දී විධිත් සංවර්ධන සැලැස්මක් අනුව නාගරික සංවර්ධන අධිකාරිය දසලක්‍ෂ පහලොස් දහසක් මහනුවර නගරයේ අනාගතය වෙනුවෙන් ආයෝජනය කරන බවත් විශේෂයෙන්ම එහි ජලාපවහන පද්ධතිය, මලාපවහන පද්ධතිය දියුණු කිරීමට මෙන් මලංකාවේ ප‍්‍රථම බහුවිධ ප‍්‍රවාහන මධ්‍යස්ථානය ගෙන එන්නට මේ ඉදිරි කාලයේ දී කටයුතු කරන බවත් අමාත්‍යවරයා පෙන්වා දුනි.
ඒ අනුව තවත් අවුරුදු 4ක් පමණ යන විට මේ දළඳා මාලිගා පරිශ‍්‍රය පමණක් නොව මහනුවර නගරයත් අලුත් ම නගරයක් සැබෑ මහනුවරක් බවට ගොඩනැඟෙන්නට කටයුතු යෙදේවි යැයි බලාපොරොත්තු වන බවත් කීය.
සෑම ජන කණ්ඩායමකට ම තමන්ගේ සංස්කෘතික උරුමයන් ආරක්‍ෂා කර ගනිමින් එම සංස්කෘතික උරුමයන් පෙරට ගෙනයන්න ඇප උපකාර ලැබෙන බව අමාත්‍යවරයා වැඩිදුරටත් මෙහිදී ප්‍රකාශ කළේය.
