ජාතික ඩෙංගු මර්දන වැඩ පිළිවෙලට සහය පල කරමින් ශ්‍රී ලංකාවේ දැනට ක්‍රියාත්මක ධීවර වරාය පරිශ්‍රවල ඒකාබද්ධ මදුරු මර්දන වැඩ සටහනක් ක්‍රියාත්මක කිරීමට ධීවර හා ජලජ සම්පත් සංවර්ධන අමාත්‍යංශය පියවර ගෙන ඇත.
මේ අනුව දිවයිනේ ධීවර වරාය පරිශ්‍ර 20ක මෙම වැඩපිළිවෙල යටතේ පිරිසිදු කිරීම් සිදු කෙරේ. ධීවර හා ජලජ සම්පත් සංවර්ධන අමාත්‍ය මහින්ද අමරවීර මැතිතුමාගේ උපදෙස් පරිදි ධීවර වරාය සංවර්ධන නීතිගත සංස්ථාව මෙම වැඩපිළිවෙල ක්‍රියාත්මක කරයි.
ධීවර වරායවල අත්හැර දමන ලද ධීවර යාත්‍රා පිළිබඳ සමීක්ෂණය පසුගිය දිනවල සිදු කරන ලද අතර ධීවර යාත්‍රා 181ක් භාවිතයට නොගෙන අත්හැර දමා ඇති බවට තොරතුරු හෙළිදරව් වී ඇත. එම ධීවර යාත්‍රා සියල්ලම මේ වනවිට විනාශ කර දැමීමට පියවර ගනු ලැබීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
