දිවයිනේ නිරිත දිග කොටසේ ලබන 12 දින තෙක් වැසි බලාපොරොත්තු විය හැකි බව කාලගුණවිද්‍යා දෙපාර්තමේන්තුවේ ස්වභාවික විපත් පිළිබඳ පූර්ණ අනතුරු ඇඟවීමේ මධ්‍යස්ථානය විශේෂ නිවේදනයක් නිකුත් කරමින් සඳහන් කරයි.
ඉදිරි දිනවලදි දිවයිනට නැගෙනහිර දෙසින් බෙංගාල බොක්ක ප්‍රදේශයේ පහළ වායුගෝලීය කැළඹිලි ස්වභාවයක් ඇතිවීමේ හැකියාවක් පවතින අතර එසේ වුවහොත් ලබන 12දින දක්වා මෙම වැසි තත්ත්වය පවතිනු ඇතැයි ද කාලගුණවිද්‍යා දෙපාර්තමේන්තුවේ ස්වභාවික විපත් පිළිබඳ පූර්ණ අනතුරු ඇඟවීමේ මධ්‍යස්ථානය අද (07) වන දින ප.ව.1.30ට පමණ නිකුත් කළ නිවේදනයෙන් පෙන්වා දෙයි.
කාලගුණවිද්‍යා දෙපාර්තමේන්තුව මෙම තත්ත්වය පිළිබඳව අඛණ්ඩව අවධානයෙන් පසුවන අතර එමනිසා මහජනතාව ද මේ පිළිබඳව සැලකිලිමත් වන ලෙස වැඩිදුරටත් ඉල්ලා සිටියි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
