බංග්ලාදේශය, ඉන්දියාව, මාලදිවයින, නේපාලය සහ පකිස්ථානය යන රටවලට අයත් මෙම විදේශීය ශිෂ්‍යභට කණ්ඩායම නිලධාරීන් 15 දෙනෙකුගෙන් සහ ශිෂ්‍යභටයින් 60 දෙනෙකුගෙන් සමන්විත විය.
ආරක්ෂක අමාත්‍යංශ සංචාරයේදී මෙම ශිෂ්‍යභට කණ්ඩායම ආරක්ෂක රාජ්‍ය අමාත්‍යංශ ලේකම් සුනිල් සමරවීර මහතා හමුවිය. විදේශීය ශිෂ්‍යභටයන් සහ ආරක්ෂක රාජ්‍ය අමාත්‍යංශ ලේකම් වරයා සුහද කතාබහක නිරත වූ අතර එම අවස්ථාව සිහිවීම සඳහා සමරු තිලිණද හුවමාරු කරගන්නා ලදී.
ජාතික ශිෂ්‍යභට බලකාය සංවිධානය කළ තරුණ හුවමාරු වැඩසටහන යටතේ මෙම විදේශීය ශිෂ්‍යභට කණ්ඩායම මෙරට සංචාරයක් සඳහා එක්ව සිටින අතර ඔවුන් රන්ටැඹේ ජාතික ශිෂ්‍යභට බළකා පුහුණු මධ්‍යස්ථානයෙහි පැවති වාර්ෂික හර්මන් ලූස් කඳවුර සඳහාද ඊයේ (19) සහභාගි වූහ.
අතිරේක ලේකම් (ආරක්ෂක) ආර්. එම්. එස්. සරත් කුමාර මහතා, ජාතික ශිෂ්‍යභට බලකායේ අධ්‍යක්ෂ මේජර් ජෙනරාල් ඒ. කේ. පි. වික්‍රමසිංහ ඇතුළු අමාත්‍යාංශ ජ්‍යෙෂ්ඨ නිලධාරීන් පිරිසක් මෙම අවස්ථාවට සහභාගි වුහ.
