පොල් ඇතුළු අත්‍යවශ්‍ය භාණ්ඩ අඩු මිලට අලෙවි කිරීමේ ජංගම ලොරි රථ සේවාවක් දිවයිනේ විවිධ ස්ථාන කිහිපයක හෙට (22) සිට ක්‍රියාත්මක කිරීමට සමූපකාර තොග වෙළෙඳ සංස්ථාව මඟින් කටයුතු කොට ඇත.
මෙය හෙට දිනයේ වවුනියාව, මාතර, නුවර යන ප්‍රදේශවල ක්‍රියාත්මක වීමට නියමිතය.
මීට අමතරව ගම්පහ, රාගම, මරදාන, කොළඹ කොටුව දුම්රිය ස්ථානවල ලබන සඳුදා සිට සිකුරාදා දක්වා සහ සෙනසුරාදා දිනවල වේයන්ගොඩ, රාගම, මහරගම, කිරිබත්ගොඩ නගරයේ හා ඉරිදා දිනවල මිනුවන්ගොඩ, ගනේමුල්ල, හෝමාගම, දෙල්කඳ සතිපොළවල් තුළ මෙම සේවාව සිදු කෙරේ.
පසුගියදා රැස් වූ ජීවන කමිටු රැස්වීමකදී මෙම තීරණය ගෙන ඇත.
මෙය කර්මාන්ත හා වානිජ කටයුතු අමාත්‍ය රිෂාඩ් බදියුදීන් මහතාගේ අධීක්ෂණය යටතේ සිදු කෙරේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
