ගාල්ල ප්‍රදීපාගාරයේ සිට නාවික සැතපුම් 68 ක් පමණ දකුණු දෙසින් මෙලෙස අනතුරට පත්ව ඇත්තේ ඉන්දියාවට අයත් “මරියා මුරුදයා” නමැති මධ්‍යම ප්‍රමාණයේ වෙළඳ නෞකාවකි. දින කිහිපයකට පෙර මෙම නෞකාව අනතුරකට ලක්ව ඇති බව මාලදිවයින් රජය විසින් ශ්‍රී ලංකා නාවික හමුදාව වෙත දැනුම් දී තිබිණි. ඒ අනුව ගාලු මුහුදු තීරයේ මුර සංචාරයන්හි නිරත නෞකාවන් වෙත මෙන්ම අනෙකුත් ජාත්‍යන්තර නෞකාවන් වෙත මේ බව නාවික හමුදා මූලස්ථානය විසින් දැනුම් දී තිබිණි.
ඊයේ (ඔක්තෝබර් 20) සවස් භාගයේදී ජීවිතාරක්ෂක බෝට්ටුවක නාවිකයින් පිරිසක් පාවෙමින් සිටින බව බේරුවල “සහන් පුතා” නමැති බහුදින ධීවර යාත්‍රාව විසින් නාවික හමුදාව වෙත දැනුම් දී ඇත. ඒ අනුව, ඊයේ සවස පී 490 වේග ප්‍රහාරක යාත්‍රාව වහාම එම ප්‍රදේශයට පිටත් කර යැවීමට නාවික හමුදා මූලස්ථානය කටයුතු කරන ලදී. යාත්‍රාව මඟින් අද උදෑසන 0635 පැයට පමණ අනතුරට පත් නෞකාවේ කාර්යය මණ්ඩලය ගාල්ල වරායට රැගෙනවිත් ඇත.ඔවුන් සියළු දෙනා ඉතාමත් නීරෝගී සුවයෙන් පසුවන අතර, ඔවුන් ශ්‍රී ලංකාවේ ඉන්දියානු ම‍හකොමසාරිස් කාර්යාලය වෙත භාර දීමට කටයුතු සූදානම් කර ඇත.
SLNavy
