පළාත් පාලන මැතිවරණයේ තැපැල් ඡන්ද අයදුම්පත් භාර ගැනීමේ ලබන 22 දා අවසන් වන බැවින් එදින හෝ ඊට පෙර සම්පූර්ණ කරන ලද අයදුම්පත් භාර දිය යුතු බව මැතිවරණ කොමිෂන් සභාවේ සභාපති මහින්ද දේශප්‍රිය මහතා පැවසීය.
ලබන 22 වැනි දින මධ්‍ය රාත්‍රී 12.00 වන විට සියලු තැපැල් ඡන්ද අයදුම්පත් මැතිවරණ කාර්යාලවලට ලැබී තිබියුතු අතර තැපැල් මගින් අයදුම් පත් එවීමෙන් ඇති වන ප්‍රමාදයන් වළක්වා ගැනීම සඳහා ළඟම ඇති මැතිවරණ කාර්යාලය එම අයදුම්පත් භාර දිය හැකි බව සභාපතිවරයා පෙන්වා දුන්නේය.
ඒ අනුව ලබන 23 වැනි දින තැපැල් මගින් ලැබෙන අයදුම්පත් භාර නොගන්නා බව ද ඒ මහතා වැඩිදුරටත් සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
