කොළඹ ජාතික අක්ෂි රෝහලට දිනකට පැමිණෙන අක්ෂි ආබාධ සහිත රෝගින්ගෙන් 15%-20% ත් අතර ප්‍රතිශතයක් ග්ලෝකෝමා රෝගයට ගොදුරු වුවන් බවට හඳුනා ගෙන ඇති බව වෛද්‍යවරිය සඳහන් කළා ය.

2013 සංගණනයට අනුව අවුරුදු 40 -80 ත් අතර ජනගහනයෙන් ග්ලෝකෝමා රෝගය වැළඳුණු ප්‍රවණතාවය  3.54% කි.ලෝකයේ ග්ලෝකෝමා රෝගය වැළඳි ඇති සංඛ්‍යාවෙන් මිලියන 64.3 කි.2020 වන විට මෙම
රෝගය ගොදුරු විමේ හැකියාව ඇති ජනගහණය මිලියන 76කි.2040 වන විට මෙම ප්‍රමාණය මිලියන 111.8 ක් දක්වා ඉහළ යන බව ද සෞඛ්‍ය වාර්තා අනාවරණය කරයි.

විශේෂඥ වෛද්‍යවරිය මේ බව සඳහන් කළේ, අද (12) කොළඹ, අක්ෂි රෝහලේ දී ග්ලෝකෝමාව පිළිබඳව  මාධ්‍ය දැනුවත් කිරීම සඳහා පැවැති මාධ්‍ය සම්මන්ත්‍රණයකට එක්වෙමිනි.