පසුගිය දිනවල පැවැති වැසි සහ සුළං හේතුවෙන් දිවයිනේ ප්‍රදේශ රැසක මේවනවිට හානී වී තිබෙන විදුලි රැහැන් පද්ධති හා ට්‍රාන්ස්ෆෝමර්වලින් වැඩි ප්‍රමාණයක් මේ වනවිට යථාතත්ත්වයට පත්කොට ඇතැයි ශ්‍රී ලංකා විදුලි බල මණ්ඩලයේ අධ්‍යක්ෂ හා මාධ්‍ය ප්‍රකාශක සුලක්ෂණ ජයවර්ධන මහතා පවසයි.
පෙරේදා හටගත් තද සුළං නිසා තංගල්ල, බෙදි අත්ත,මිද්දෙණිය,වළස්මුල්ල,සූරියවැව හා හක්මන ප්‍රදේශවල බිඳ වැටී තිබූ විදුලි රැහැන් මාර්ග අද (30) වන විට ප්‍රතිසංස්කරණය කොට යථාතත්ත්වයට පත් කළ බව සුළක්ෂණ
ජයවර්ධන මහතා රජයේ නිලපුවත් වෙබ් අඩවියට පැවසී ය.
දඹුල්ල,රාගල,කුණ්ඩසාලේ ආදී ප්‍රදේශවල ද හානියට පත් වූ විදුලි රැහැන් යථාතත්ත්වයට පත් කොට ඇති නමුත් රාගල ප්‍රදේශයේ අධිබල විදුලි කණුවක් කඩාවැටී ඇති අතර එය අලුත්වැඩියා කිරීම දැන් සිදුකරගෙන යන බවද
සුලක්ෂණ ජයවර්ධන මහතා සඳහන් කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
