මේ මාසය අවසන් වීමට පෙර පළමු විශේෂ අධිකරණය ක්‍රියාත්මක කරන බවත් අධිකරණයක් ආරම්භ කිරීම සරල කාර්යයක් නොවන බවත් සමකැබිනට් ප්‍රකාශක සෞඛ්‍ය පෝෂණ හා දේශීය වෛද්‍ය අමාත්‍ය රාජිත සේනාරත්න මහතා පැවසීය.
ඉතිරි විශේෂ අධිකරණ දෙක සැප්තැම්බර් මාසයේ ආරම්භ කරන බව පෙන්වා දුන් අමාත්‍යවරයා විශේෂ අධිකරණය ආරම්භ කිරීමේ ගොඩනැගිල්ලේ ප්‍රතිසංස්කරණ කටයුතු අවසන් වන තෙක් තාවකාලික ස්ථානයක මෙම පළමු අධිකරණය ආරම්භ කිරීමට කටයුතු කෙරෙන බව ද පෙන්වා දුන්නේය.
රජයේ ප්‍රවෘත්ති දෙපාර්තමේන්තුවේ අද (25) පැවැති කැබිනට් මාධ්‍ය හමුවේදී මාධ්‍යවේදීන් ඇසූ ප්‍රශ්නවලට පිළිතුරු දෙමින් ඒ මහතා මේ බව සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
