සංස්කෘතික කටයුතු අමාත්‍යාංශයේ අද(17) පැවැති මාධ්‍ය හමුවේ දී මේ පිළිබඳව කරුණු දැක් වූ අමාත්‍යවරයා,ජෝන් ද සිල්වා සමරු රඟහල පසුගිය ආණ්ඩුව 2012 දී කඩා දැම්මේ ''චොගම් සමුළුව'' පැවැත්වීමට ''නෙලුම් පොකුණ'' රඟහල පරිශ්‍රයේ රථගාල පුළුල් කිරීම සඳහා ඉඩ ලබා ගැනීමට බවත් දැන් මේ ගැන කෑගහන කලාකරුවන් එදා ඒ බව නොදැන සිටියා විය නොහැකි බවද අමාත්‍යවරයා පැවසී ය.
එල්පින්ස්ටන් රඟහල ද පසුගිය ආණ්ඩුව කාලයේ 2012 වසරේ දී වසා දැමූ බවත් එහෙත් කිසිදු අලුත් වැඩියාවක් සිදු කොට නැති අතර වත්මන් රජය එහි අලුත්වැඩියා කටයුතු පටන් ගත් බවත් ඔක්තෝම්බර් මාසයට පෙර එල්පින්ස්ටන් රඟහලේ අලුත්වැඩියා කටයුතු අවසන් කොට අමාත්‍යාංශයට බාරදෙන ලෙස කොන්ත්‍රාත්කරුවන්ට දැනුම් දී ඇති බවත් පැවසීය. ලබන නොවැම්බර් මාසයේ දී මෙම රඟහල විවෘත කිරීමට බලාපොරොත්තු වන බවද අමාත්‍යවරයා සඳහන් කළේ ය.
කලාකරුවන් සඳහා අයවැය මඟින් පනවා ඇති බදු අඩු කිරීම පිළිබඳ තමා ජනාධිපතිතුමා සහ අමාත්‍යතුමා සමඟ සාකච්ඡා කළ බවත් ළඟදීම එම බදු අඩු කොට කලාකරුවන්ට සහනයක් ලබාදෙනු ඇති බවත් අමාත්‍යවරයා ප්‍රකාශ කළේ ය.
