ශ්‍රී ලංකාවේ බිහි වූ කෘතහස්ථ දේශපාලඥයකු වූ හිටපු ප්‍රථම විධායක ජනපති වූ ජේ.ආර් ජයවර්ධන මහතාගේ 112 වැනි ජන්ම සැමැරුම අද (17) පිටකෝට්ටේ පිහිටි ජාතික සේවක සංගම් මූලස්ථානයේ දි එක්සත් ජාතික පක්ෂයේ මහා ලේකම්, අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් පැවැත්විණි.
හිටපු ජනාධිපති ජේ.ආර් ජයවර්ධන මහතාගේ 112 වැනි ජන්ම දින සැමරුම වෙනුවෙන් ජේ.ආර් ජයවර්ධන මහතාගේ පිළිරුවට පුෂ්පෝපහාර දැක්වු මහා ලේකම් වරයා කියා සිටියේ, හිටපු ජනාධිපති ජේ.ආර් ජයවර්ධන මහතා තුන්කල් දුටු නායකයෙකු බවය.
ජාතික සේවක සංගමයේ ප‍්‍රධාන ලේකම් පාර්ලිමේන්තු මන්ත‍්‍රී සිරිනාල් ද මෙල්, ජාතික සේවක සංගමයේ මාධ්‍ය ලේකම් සුනිල් ද සිල්වා යන මහත්වරුන් ඇතුළු පිරිසක් ද එහිදී ජේ. ආර් ජයවර්ධන මහතාගේ පිළිරුවට පුෂ්පෝපහාර දක්වනු ලැබීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
