ජනාධිපතිතුමා ඝාතනය කිරීමේ කුමන්ත්‍රණයක් ඇති බවට කර තිබෙන හෙළිදරව්ව සම්බන්ධයෙන් විමර්ශන කටයුතු මේ වන විටත් සිදු කෙරෙන බවත් අතීතයේ මෙන් නොව විමර්ශන කටයුතු සඳහා වත්මන් රජය ඇඟිලි නොගසන බවත් සම කැබිනට් මාධ්‍ය ප්‍රකාශක,සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා පවසයි.
එම කටයුතු නිදහසේ කිරීමට පොලිස් කොමිසමක් පවතින බවත් අමාත්‍යවරයා සඳහන් කළේ, අද (19) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැණුම් දීමේ මාධ්‍ය හමුවෙ දි මාධ්‍යවේදියෙකු නැඟූ ප්‍රශ්නයකට පිළිතුරු ලබා දෙමිනි.
මෙහිදී අමාත්‍යවරයා වැඩිදුරටත් සඳහන් කළේ, යම් චෝදනාවක් කළ පමණින් රාජ්‍ය සේවයකුට එරෙහිව නීතිය ක්‍රියාත්මක කළ නොහැකි බවත් ඒ පිළිබඳ සම්පූර්ණ පර්යේෂණ අපරාධ පරීක්ෂණ දෙපාර්තමේන්තුව විසින්
පවත්වාගෙන යන බවත් අදාළ විමර්ශන කටයුතු දැනට කරගෙන යන බවත් අමාත්‍යවරයා වැඩිදුරටත් සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
