මෙම වීදි නාට්‍ය ප්‍රදර්ශනය සවස 04.00ට කොළඹ දුම්රිය ස්ථානය අසළදී ද පැවැත් වේ.තොරතුරු දැනගැනීමේ අයිතිය යන මැයින් නිෂ්පාදිත කෙටි චිත්‍රපට උළෙල  ” ප.ව 4.30 සිට 7.00 දක්වා කොළඹ තරංගනී සිනමා ශාලාවේදී පැවැත් වේ.

තොරතුරු සතිය වෙනුවෙන් ජනතාව දැනුම්වත් කිරීමේ වැඩසටහන් රැසක් හෙට (22) දිනයේදී ද ක්‍රියාත්මක කෙරෙන අතර වීදි නාට්‍ය ප්‍රදර්ශනය අනිද්දා(23) දිනයේදී මීගමුව සහ ගම්පහ නගරයේදී පැවැත් වේ.

මෙම සතිය තුළ තොරතුරු දැනගැනීමේ සම්පත් මධ්‍යස්ථානය ගොඩනැගීම, පුහුණු වැඩසටහන් පැවැත්වීම , ජනතාව දැනුම්වත් කිරීමේ වැඩසටහන් හා තොරතුරු පනත සම්බන්ධයෙන් පුහුණුකරුවන් නිර්මාණය කිරීම ආදී කාර්යයන් රැසක් සිදු කිරීමට නියමිතය.

මුදල් හ ජනමාධ්‍ය අමාත්‍යාංශයේ තොරතුරු දැනගැනීමේ අයිතිවාසිකම පිළිබඳ පනත ක්‍රියාත්මක කිරීමේ ඒකකය විසින් වැඩසටහන ක්‍රියාත්මක කරයි.