එම රෝගීන් සෘජුවම දුරකථනයෙන් සම්බන්ධ කර ගනිමින් සෞඛය අමාත්‍යවරයා තොරතුරු විමසා සැත්කම් සිදු කිරිම සදහා මුදල් සොයා ගැනීමට නොහැකි දිළිදු රෝගීන්08 කට මෙහිදී මුල්‍යාධාර පිරිනමන ලදි.
සෞඛ්‍ය අමාත්‍යාංශයේ සෞඛ්‍ය සංවර්ධන අරමුදලේ මුදල් මගින් මෙම සැත්කම් සදහා මුදල් පිරිනැමූ අතර, බෙදා දෙන ලද මුදල්වල වටිනාකම රුපියල් ලක්ෂ 81 කට අධික වෙයි.
මෙම රෝගීන්ට මෙරට රෝහල්වල දී සහ විදේශීය රෝහල්වල දී සැත්කම් සිදු කිරීමට නියමිතය. මෙම රෝගීන් වැලිවේරිය, කොළඹ 15, වස්කඩුව, දෙයියන්දර, කුලියාපිටිය, පොල්පිතිගම, වත්තල, වලස්මුල්ල, හුන්නස්ගිරිය යනප්‍රදේශවල පදිංච්කරුවන් වෙයි.
මෙම අවස්ථාවේ දී එම රෝගීන් සෞඛ්‍ය අමාත්‍යවරයාට මෙසේ පැවැසීය.
“අපි රුපියල් 10, 20, 50, 100 එකතු කරලා තමයි දරුවන්, පවුලේ ඥාතීන්ට වැළදී තිබෙන රෝග සදහා සැත්කම් වලට මුදල් එකතු කළේ. එම අවස්ථාවේ දී ඔබ තුමා දෙවියෙක් වගේ පහළ වෙලා අපට අවශ්‍ය හිඟ මුදල් මෙලෙස ලබාදුන්නා. ඔබතුමාට බොහෝම පිං සිද්ධ වෙනවා” යැයි පැවසූහ.
මෙහිදී අදහස් දැක් වූ සෞඛ්‍ය අමාත්‍යවරයා පැවැසුවේ දුප්පත්කම හේතුවෙන් අසරණ වී සිටින රෝගීන්ට සහන සැළසීමට තමන් අඛණ්ඩව කටයුතු කරන බවයි.
මෙම අවස්ථාවට සෞඛ්‍ය ලේකම් බී.ජී.එස් ගුණතිලක මහත්මිය ද එක්ව සිටියාය.
