අපවත් වී වදාළ සියම් මහා නිකායේ මල්වතු පාර්ශවයේ ජේෂ්ඨ කාරක සංඝ සභික මහෝපාධ්‍ය අග්ගමහා පණ්ඩිත අලුත්ගම ධම්මානන්ද නාහිමිපාණන් වහන්සේගේ ආදාහනපූජෝත්සවය ඔක්තෝම්බර් 06 වැනි සෙනසුරාදා සවස 2.00 ට මහනුවර අස්ගිරිය පොලිස් ක්‍රීඩාංගනයේදී රාජ්‍ය අනුග්‍රහය සහිතව පැවැත්වීමට කටයුතු සංවිධානය කොට තිබේ.
1915 වසරේ නොවැම්බර් 22 වැනි දින උපත ලද උන් වහන්සේ අපවත් වන විට අවුරුදු 103 ක ආයු කාලයක් වළදා සිටිසේක.
අලුත්ගම ධම්මානන්ද නමින් 1934 සැප්තැම්බර් 06 වැනි දින පැවිදි දිවියට පත් වූ උන්වහන්සේ 1935 දී උපසම්පදා සීලයට පත් ව 1940 දී කර්මාචාර්ය පදවියට පත් වූහ. 1972 ශ්‍රී දළදා මාලිගාවේ තේවාව භාර රාජකාරී කටයුතු භාරවද කටයුතු කළ උන්වහන්සේ 1987 දී මල්වතු මහා විහාර පාර්ශවයේ මහෝපාධ්‍ය ධූරය සදහා පත් වූහ.
ධම්මානන්ද ස්වාමීන් වහන්සේගේ දේහය මල්වතු මහ විහාර තුම්පනේ විහාරයේ තැන්පත් කර තිබේ.
DMU/Kandy
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
