ශ්‍රී ලංකාව විදේශ ණය ලබාගෙන තිබෙන්නේ රට වෙනුවෙන් බවත් ආණ්ඩුවකට නොවන බවත් අප කටයුතු කළ යුතු වන්නේ රට පළමු තැන තබාගෙන බවත් සම කැබිනට් මාධ්‍ය ප්‍රකාශක, වරාය හා නාවික කටයුතු අමාත්‍ය මහින්ද සමරසිංහ මහතා පවසයි.
අමාත්‍යවරයා මේ බව ප්‍රකාශ කළේ, අද (22) රජයේ ප්‍රවෘත්ති දෙපාර්තමේන්තුවේ පැවැති කැබිනට් තීරණ දැනුම් දීමේ මාධ්‍ය හමුවකට එක්වෙමිනි.
අපේ රටට ණය දෙන්න එපා යැයි විදෙස් රටවලින් ඉල්ලන අය රටට දෝහීන් වෙනවා.දේශපාලන මත කුමක් වුවත් රට පාවා දෙන්න එපා යැයි ද අමාත්‍යවරයා පැවසී ය.ඒ නිසා මේ වේලාවේ බොරදියේ මාළු බාන්න එපා යැයි ඉල්ලා සිටින බව ද අමාත්‍යවරයා වැඩිදුරටත් පැවසී ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
