සේනා දළඹුවා බඩ ඉරිගු වගාවට හෝ වෙනත් කෘෂි බෝගවලට හානි කර ඇත්නම් ඒ පිළිබඳව හැකි ඉක්මනින් ''ගොවි සහන සරණ සේවය 1920 දුරකතන අංකය අමතා ගොවි ජනතාවට අවශ්‍ය සහාය ලබාගත හැකි බව කෘෂිකර්ම දෙපාර්තමේන්තුව පවසයි.
සේනා දළඹුවාගේ හානිය කෘෂි කර්ම දෙපාර්තමේන්තුව මෙසේ හඳුනාගෙන ඇත. බඩ ඉරිගු පත්‍රවල මුලින් ම සිදුරක්,සිදුරු අතු බෙදන ආකාරයට පැතිරේ,ලපටි කරල් මදින් වුවත් කාදමයි.
හිසේ වයි (Y) අකුර හැඩයේ සළකුණක්, දේහය පුරා බිබිලි සළකුණු,අවසන් දේහ ඛණ්ඩයේ බිබිලි හතරක කොටුවක මුළු හතර සළකුණු සේනා දළඹුවා හඳුනාගැනීමේ සළකුණු වෙයි.
සේනා දළඹුවාගේ හානිය දුටුවහොත් පළාතේ කෘෂි කර්ම උපදේශකවරයා වෙත දැනුම් දෙන ලෙස ගොවි ජනතාවගෙන් කෘෂිකර්ම දෙපාර්තමේන්තුව ඉල්ලා සිටියි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
