පවතින අයහපත් වැසි සහිත කාලගුණය හේතුවෙන් මරදමඩුකුලම් ජලාශයේ වැව් බැම්ම කැඩී යාමේ දැඩි අවධානමකට ලක්ව තිබු අතර, 68 සේනාංකය යටතේ ස්ථාපිත 4 වන ශ්‍රී ලංකා ජාතික ආරක්‍ෂක බළමුළුවේ යුද්ධ හමුදා සාමාජිකයින් සෙනසුරාදා (22) දින යුහුසුළුව ක්‍රියාත්මකවී වැව් බැම්මේ අවධානමට ලක්ව තිබු අඩි 40 ක පමණ ප්‍රමාණයක ප්‍රදේශය, වැලි කොට්ට 1000 කට අධික ප්‍රමාණයක් අතුරමින් එහි ආරක්‍ෂාව තහවුරු කිරීමට සමත්වුහ.
දිගින් දිගිටම ඇඳහැළෙන දැඩි වර්ෂාපතනය හේතුවෙන් සඳුදා (24) දින පුදුකුඩිඉරිප්පු මුල්ලිවයික්කාල් මාර්ගයට ගසක් කඩා වැටිම හේතුවෙන් මාර්ග ගමනාගමන කටයුතු අවහිරවී තිබු අවස්ථාවේදි, ඒ සඳහා වහාම ක්‍රියාත්මක වූ මුලතිව් ආරක්‍ෂක සේනා මුලස්ථානයේ භට පිරිස් මාර්ගයට වැටි තිබු ගස ඉවත් කර කඩිනමින් මාර්ගය ප්‍රවාහනය සඳහා සුදුසු පරිදි පිළිසකර කරණු ලැබීය.
