ගංවතුර පැවැති තොණ්ඩමන්ආරු, මාන්කුලම්, කොට්ටඅඩි ඇතුළු ප්‍රදේශයන්හී අපිරිසිදුවි තිබෙන පානීය ජල ළිං පිරිසිදු කිරීමට නාවික සහන කණ්ඩායම් 15 ක් අදාළ ස්ථාන වෙත අනුයුක්ත කිරීමට කටයුතු කර ඇත.
ඒ අනුව, මේවන විට ජල ළිං 10 ක් පිරිසිදු කර ජනතාවගේ පානීය ජල අවශ්‍යතාවය සපුරා දීමට නාවික හමුදාව කටයුතු කර ඇති අතර, නාවික හමුදා ජංගම ප්‍රති ආශ්‍රැත යන්ත්‍ර මඟින් පිරිසිදු ජලය ලිටර් 1000 ක් ජනතාවට බෙදාදිමට කටයුතු කර ඇත. මීට අමතරව නාවික හමුදාව සතු ජංගම මුළුතැන් ගෙවල්, ආහාර පිසීමේ උපකරණ මෙන්ම ආහාර උණුසුම් කිරීමේ උපකරණ ආදි උතුරු පලාත ආවරණය වන පරිදි මේවන විට ස්ථාපිත කර ඇති අතර, එමඟින් නාවික හමුදාව ප්‍රදේශයේ දමිල ජනතාවගේ ජන ජිවිතය යථා තත්වයට පත් කිරීමේ කාර්යයට උරදෙමින් සිටියි.
