පසුගිය දින කිහිපය තුළ අධික වර්ෂාව නිසා ඇති වූ ජල ගැල්මෙන් පීඩාවට පත් ජනතාවට සහන රැගෙන කඳුරට නව ගම්මාන යටිතල පහසුකම් හා ප්‍රජා සංවර්ධන අමාත්‍ය පලනි තිගාම්බරම් මහතා ඇතුළු අමාත්‍යාංශ කාර්ය මණ්ඩලය පසුගිය දා කිලිනොච්චිය බලා පිටත් විය.
ඒ අනුව කිලිනොච්චිය මලයාලපුරම් හි විපතට පත් ජනතාවට ලක්ෂ 20 ක් වටිනා සනීපාරක්ෂක භාණ්ඩ බෙදා දීම අමාත්‍ය පලනි තිගාම්බරම් මහතාගේ ප්‍රධානත්වයෙන් සිදුවිය. එහිදී අමාත්‍යවරයා කියා සිටියේ මෙම විපතින් ජාතික සංහිදියාවේ ඇති වටිනාකම මැනවින් හෙළි වූ බවයි. දකුණේ සිංහල ජනතාව මෙම විපතට පත් ජනතාව වෙනුවෙන් බොහෝ අධාර උපකාර කළ බවද අමාත්‍යවරයා එහිදී කියා සිටියේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
