මෙම දුම්රිය මාර්ගයේ වර්ණ සංඥා සවි කිරීම තවමත් අවසන් වී නැත . ඒ නිසා මගී දුම්රිය ධාවනය දැන්ම සිදු කළ නොහැකි වී තිබේ.මාර්තු මස අග වන විට ඒවා සවි කොට යළි පරීක්ෂා කර බැලීමෙන් පසු අලුත් අවුරුද්දට පෙර දුම්රිය ධාවනය සිදු කරන බව ද මාතර දුම්රිය ස්ථානයේදී ඊයේ (06)මාධ්‍ය වෙත අදහස් දක්වමින් අමාත්‍යවරයා පැවසීය.
ඇමතිවරයා ඊට පෙර බෙලි අත්තේ සිට විශේෂ දුම්රියකින් මාතර දක්වා නිරීක්ෂණ චාරිකාවක යෙදුණි .
මෙම දුම්රිය මාර්ගයේ හම්බන්තොට දක්වා වූ දෙවැනි අදියරේ කටයුතු ආරම්භ කිරීම සඳහා තමා කැබිනට් මණ්ඩලයට කරුණු ඉදිරිපත් කරන බව ද පැවැසූ ඇමැතිවරයා, සීඝ්‍රයෙන් සංවර්ධනය වන හම්බන්තොට වරාය සහ මත්තල ගුවන් තොටුපල ඒ නිසා එයින් විශාල වාසියක් අත් වන බව ද කී ය .
මෙවැනි සංවර්ධන කටයුතු සඳහා යොදවනු ලබන්නේ මහජනතාවගේ බදු මුදල් බැවින් තමා මෙවැනි කාර්යයන් වල දී දේශපාලනය ගාවාගන්නේ නැති බව ද අමාත්‍යවරයා තවදුරටත් පැවසීය.
