පසුගියදා ගම්පහ දිස්ත්‍රික් ලේකම් කාර්යාලයේ පැවති ගම්පහ දිස්ත්‍රික් කෘෂිකර්ම කමිටු රැස්වීමේදී රාජ්‍ය නිලධාරීන් සහ ගොවි සංවිධාන නියෝජිතයන් දැනුවත් කරමින් සහකාර අධ්‍යක්ෂවරිය මේ බව ප්‍රකාශ කළාය.
මෙම දළඹුවන් මර්දනය සඳහා ගතයුතු ක්‍රියාමාර්ග ලෙස සති 02ක් ප්‍රකාශයට පත් කොට තොරතුරු රැස්කිරීම හා ග්‍රාමීය මට්ටමින් ජනතාව දැනුවත් කිරීම මෙන්ම සොයා ගන්නා නව ක්‍රම පිළිබඳව දැනුවත් කිරීම සිදු කෙරෙන බවත් ගම්පහ දිස්ත්‍රික්කයේ කොටදෙනියාව සහ වෑකේ යන ප්‍රදේශයන්හි පිහිටි වගාබිම් මෙන්ම යක්කල , මිනුවන්ගොඩ ඇතුලු ප්‍රදේශ කිහිපයක පිටතින් රැගෙනවිත් විවිධ භෝග අලෙවි කරනු ලබන බැවින් දළඹුවන් ව්‍යාප්ත වීම සිදුව තිබෙන බව හඳුනාගෙන ඇති බවත් සහකාර අධ්‍යක්ෂවරිය සඳහන් කළාය.
මෙම දළඹුවන් මර්දනය සඳහා සියුම් වැලි සහ අළු මිශ්‍ර කොට බඩඉරිඟු ගොබයට දැමීම මෙන්ම කොහොඹ ඇට නිස්සාරකය යෙදීම වැනි ක්‍රමවේදයන් සිදු කිරීම සුදුසු වන බව ද සහකාර අධ්‍යක්ෂිකා නදීරා අස්සැල්ආරචිචි මහත්මිය වැඩිදුරටත් අදහස් දක්වමින් පවසා සිටියාය.
DMU- Gampaha
