ශ්‍රී ලංකා තේ සදහා ජ්‍යාත්‍යන්තර ප්‍රවර්ධන වැඩසටහනක් ඉදිරි මාස 3 ඇතුළත ආරම්භ කරන බව ශ්‍රී ලංකා තේ මණ්ඩලයේ සභාපති ලුසිල් විජේවර්ධන මහතා පවසයි.
චීනය, ජපානය, රුසියාව ජර්මනිය, එක්සත්ජනපදය, යුක්රේනය හා ඕස්ට්‍රේලියාව ඉලක්ක කොට ක්‍රියාත්මක කිරීමට යන මෙම වැඩසටහන සදහා රුපියල් බිලියන 2.5ක මුදලක් වෙන් කොට ඇතැයි සභාපතිවරයා රජයේ නිල පුවත් වෙබ් අඩවියට පැවසීය.
සාමාන්‍ය ප්‍රචාරක ක්‍රමවලින් ඔබ්බට ගොස් ඩිජිටල් තාක්ෂණය මගින් Key personal leaders උපයෝගී කරගෙන ශ්‍රී ලංකා තේ ලෝක ජනතාව අතර ජනප්‍රිය කරවීම මෙම ප්‍රවර්ධන වැඩසටහනේ අරමුණ බව ද විජේවර්ධන මහතා තව දුරටත් කීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
